GENERAL SANTOS CITY – Gipangsikop ang apat ka mga lalaki human nga akto nga naabtan sa pulis samtang nagpatigayon ug karera sa motorsiklo ala una sa hapon sa Purok Udagre, Barangay Conel sa dakbayan.
Giila ni Police Captain Brent Ian Salazar, Chief Of Police sa San Isidro Police Station, ang mga nadakpan nga silang Jeff Van Altchor Torrion, 18-anyos, Henrico Ali Ampatuan, 18-anyos residente sa Barangay Sinawal; Elezer Enomlay Magpulong Jr., 23-anyos sa Barangay San Jose ug si Joebert Atizor Allaga, 21-anyos nga residente usab sa Barangay Labangal.
Sumala kang Salazar, aduna usa ka concerned citizen ang nag-report kanila kalabut sa gipahigayon nga drag race sa lugar.
Sa pagresponde naabtan sa lugar ang mga suspek nga nagsugod na sa pagkarera.
Nakuha sa mga suspek ang tulo motorsiklo ug salapi nga nagkatidad P800 nga gituohan nga gigamit nga pusta.
Kasong kalapasan sa Presidential Decree 1602 o illegal gambling samtang anaa kini sa kustodiya sa Police Station 4.
