Mga bus company nag-unang una sa ilang operasyon tungod apektado sa lockdown sa mga lugar sa Region 12 RE: covid 19

GENERAL SANTOS CITY – Nag-adjust og biyahe ang mga bus company tungod apektado sa gipatumang lockdown sa nagkadaiyang bahin sa Region 12.

Basi sa migawas nga advisory, wala nay biyahe ang mga bus sa Mindanao Star nga nagkansela sa ilang operasyon sugod kagahapon.

Samtang sugod usab kagahapon wala nay biyahe ang mga bus sa Yellow bus line (YBL) paingon sa Davao og Digos apan ang ruta nga paingon sa South Cotabato og MAKIMA kon Maasim, Kiamba og Maitum ang anaa gihapon.

Sa bahin sa Husky Tours hangtud sa Shariff Aguak og Maguindanao na lang ang mga biyahe sa bus.