GENERAL SANTOS CITY – Anaa sa 7,500 ka mga atleta, coaches mga opisyal ang gilauman nga mahimong partisipante sa 2020 Soccksargen Regional Athletics Association (SRAA Meet.
Matud pa kang GenSan Deped Supt. Dr. Romel Flores nga ang team sa syudad ang anaa sa 800.
Malaumon ang nasampit nga opisyal nga subli nga maangkon sa GenSan team ang kampeonato ilabi nga kita ang host.
Sa Lunes magsugod na ang dula apan sa Marso 3, ang opening ceremony sa Lagao gym.
Gibutyag pa ni Flores nga gilauman usab nga daghan sa mga ginikanan gikan sa nagkadaiyang bahin sa Region 12 ang muadto sa syudad aron mubisita sa ilang mga anak nga mga atleta og suportahan ang ilang team.
Una niini gisuspenso ang SRAA nga ang unang schedule sa miaging Feb 19 to 24 apan gisibog gumikan sa bahad sa COVID 19.
Sa Marso 3 ang opening sa SRAA gumikan mao kini ang available ga schedule sa guest speaker nga si Deped USEC Diosdado San Antonio.
Samtang aduna sila mga preparasyon kalabutan sa COVID 19.
