-- ADVERTISEMENT --
GENERAL SANTOS CITY – Nagpadayon ang gihimong imbestigasyon sa kapulisan sa kalabutan sa labing ulahing pagpamusil patay sa syudad.
Kini human gipusil sa motorcycle riding criminals sa nagpangalan ug Joey David, 29 anyos nga residente sa Purok 1, Katangawan ning syudad.
Nahitabo ang insidente samtang anaa sa diversion road, Katangawan ning syudad ang biktima.
Nagsakay ug motor ang biktima dihang gisundan sa duha ka suspek ug gipusil nga sakay usab sa motorsiklo.
Dead on the spot ang biktima gumikan sa mga samad nga naangkon niini.
-- ADVERTISEMENT --
Nagpabilin nga blangko ang kapulisan sa motibu sa nahisgutang krimen.
