GENERAL SANTOS CITY -Mupahawa gayud sa pwesto si Sec. Joel Egco, undersecretary sa Presidential Task Force on Media Security kung dili paburan sa korte ang kaso sa Maguindanao massacre.
Kini ang pagbahad ni Egco sa nagkaduol nga pagpakanaug sa hukom sa mangilngig nga masaker karong sunod bulan.
Barugan matud pa niini ang nahimong pahayag nga mokanaog sa puwesto kung dili mahukmang sad-an ang mga nag-unang akusado sa mangilngig nga krimen.
Sa sabado na ang ikanapulo ka tuig dihang nahitabo ang pagpatay sa 58 ka biktima kung asa 32 niadto mga sakop sa Media sa gitawag nga Maguindanao masaker.
Mao usab kini ang pagtuo ni Maguindanao Rep Esmail Mangundadatu nga mahukmang sad-an ang mga primary suspect sa kaso ug maangkon na ang hustisya nga dugay na nga gihulat ingon man sa mga kabanay sa mga biktima sa masaker.
Una nang gibutyag nga sa sabado , may programa nga ipahinungod alang sa paghinumdom sa maong panghitabo.
