GENERAL SANTOS CITY – Hustisya gihapon ang gisinggit sa mga pamilya sa 58 ka mga biktima sa Maguindanao massacre, 32 niini mga media nga hangtud karon wala gihapon nila makab-ot.
Kini human sa pagbisita niini kagahapon sa massacre site sa Sitio Masalay, Barangay Salman, Ampatuan.
Kapin gatus nga miembro sa pamilya naghalad og pag-ampo og bulak og nagsindi usab og kandila sa markers sa mga biktima human ang misa.
Ang mga anak usab sa mga biktima nagpahigayon og play kung diin nanghilak ang mga anaa sa lugar.
Sa Sabado, November 23, lima ka adlaw una ang ika-10th anibersaryo sa Maguindanao Massacre, nagpabiling layo ang hustisya.
Nasayran nga naka-schedule na unta sa Nov. 20 ang pagpagawas ug hukom sa kaso apan mihangyo og 30-day extension si Quezon City Judge Jocelyn Solis-Reyes nga gitugtan usab sa Supreme Court.
Apan gipasalig ni Judge Reyes nga una mag-December 20, 2019 o sa mismong adlaw magpaggawas og desisyon.
Apan sumala kang Nonoy Espina, chairman sa National Union of Journalists of the Philippines (NUJP), galaum gihapon sila nga may guilty decision batuk sa mga Ampatuan nga principal suspects sa masaker.
Human sa gipahigayong programa sa massacre site midiretso ang grupo sa Forest Lake Cemetery sa GenSan og nagpahigayon og candle lighting sa lubnganan sa 12 ka mga biktima sa masaker.
