GENERAL SANTOS CITY – Gusto nga personal nga makita sa iyang mga fans og sa mga blood donors si Mommy Dionesia Pacquiao nga una nang mipasalig nga 100% nga suportahan ang Dugong Bombo 2019.
Una niini, mismong ang gikonsiderang Pacmom ang mibisita sa Broadcasting Center sa Bombo Radyo Gensan aron magpalista og makighiusa sa Nationwide Blood Letting Program sa network.
Gi-indorso niini ang iyang karelasyon nga si Michael Yamson og mga bodyguard aron mahimong blood donor.
Walka usab magduhaduha ang inahan ni Sen. Manny Pacquiao dihang gibutyag nga gusto niining magsul-ob sa T-Shirt sa Dugong Bombo aron ipakita sa publiko ang tibuok suporta sa The Number 1 Radio Network in the Country, ang Bombo Radyo Philippines.
Ning mga orasa pipila sa mga loyal supporters sa Bombo Radyo ang uban nakuhaan na ug dugo ang gapangutana kung unsang orasa mahidangat sa Robinsons Place si Mommy D.
