GENERAL SANTOS CITY – Posibleng kasuko sa mga investors ang gitudlong motibo sa pagpusil patay kang May Sheila Villaflores, 27 anyos nga residente sa Purok 2, Barangay Conel ning syudad.
Kini ang gibutyag ni P/Lt. Bienvenido Venus Jr., deputy chief of police San Isidro Police Station.
Gibutyag niini nga si Villaflores ang subleader sa investment scam nga Munificence ug daghan ang ga text kaniya aron nga maningil kon asa wala na makapay-out ang mga nahisgutan.
Sa imbestigasyon sa kapulisan, misulod ang usa ka wala mailhing suspek sa compound sa pinuy-annan sa biktima kon diin gipusil gilayon si Villaflores igo sa walang bahin sa mata.
Daling misibat ang suspek sakay s anagpaabot nga motorsiklo.
Nakuha sa mga pulis sa crime scene ang caliber .45 pistol.
Sa pagkakaron padayon pa ang imbestigasayon sa San Isidro PNP kalabot sa maong pagpamusil.
