Gaisano Mall nasunog human ang 6.3 magnitude nga linog
GENERAL SANTOS CITY – Human ang pagtay-og sa magnitude 6.3 nga linog kalit misilaob ang unahan nga bahin sa Gaisano Mall nga nag-atubang sa National highway.
Gilayon nga miabut sa lugar si Gensan Mayor Ronnel Rivera aron i assesh ang danyos sa naasoy nga sunog human nahitabo ang pagtay-og .
Gikumpirma sa Mayor nga gikan sa atubangan nga bahin misulod ilawom sa mall ang kalayo.
Samtang gibutyag ni Bureau of Fire Protection Fire Marshall Regirald Legaste nga nakaangkon ug secondary effect ang nahitabo nga linog hinungdan nga mitungha ang kalayo apan wala gidetalye ang sinugdanan sa kalayo.
Gikadugang usab niini nga nagresponde ang mga firetruck gikan sa Bureau of Fire protection sa Gensan, Malapatan Sarangani , lakip na ang firetruck gikan sa mga munisipyo sa South Cotabato samtang nagrespondi usab ang mga private Fire station sa dakbayan .
Matud pa sa BFP nga miabut sa 3rd alarm ang nahitabo nga sunog tungod naabtan pa ug mukapin unom ka oras una hingpit mapatay ang kalayo. Miabut usab sa lugar ang tag-iya sa Mall apan wala mihatag ug pahayag kalabut sa insidente.
