GENERAL SANTOS CITY – Dakpan sa managlahi nga buybust operation dinhi sa dakbayan ang upat ka mga drug suspects.
Matud ni Police Major Rexor Canoy, tigpamaba sa General Santos City Police Office nga pulos pagsupak sa Comprehensive Dangerous Drugs Act ang giandam sa mga otoridad batuk sa nagpangalan ug Mark John Beguiso,30-anyos, ulitawo nga taga KPS, Barangay Labangal.
Sunod nasikop ang nagpangalan ug Ely Talaib, 32-anyos, ulitawo nga residente sa Purok 6, Barangay Conel.
Ikatulo nga nasikop mao si Christopher Masucol, 27-anyos nga taga Ondok Gawan, Barangay San Jose.
Matud ni Canoy nga ang upat pulos dinakpan sa City Drug Enforcement Unit.
Ika-upat nga nadakpan mao si Jayson Dela Cruz Macasocol alias Tamawaw, 28-anyos, walay trabaho residente sa purok 24, Tinago, Barangay West ning syudad.
Ang upat pulos napalitan ug tig usa ka sachet sa gituhu-ang shabu sa kantidad ug P500.
Nasuta nga si Macasocol kanhi napriso sa Gensan City Jail gumikan sa kasong pagpanulis ug sa druga.
