GENERAL SANTOS CITY – Midagsa ang mga investors sa Munificence Ministry sa Bula, ning syudad human nga misaad nga karong adlaw mubalik ang ilang operasyon.
Sayo pa sa buntag midagsa na ang mga tawo apan walay nagpakita nga mga opisyal sa maong organisasyon.
Gikan sa nagkadaiyang bahin sa dakbayan ang maong mga investors sa paglaum nga mabalik ang ilang kwarta.
Matud pa sa mga investors nga bisag kapital na lang ang ibalik og wala na ang interes nga 45%.
Ang ilang panawagan sa founder nga si J. Emmanuel Azure. nga i-text ngadto kanila o pahibaloon kung asa kuhaon ang kwarta og dili magtago-tago.
Nasayran nga ang Securities and Exchange Commission (SEC) ang nagpagawas na og advisory batok sa Munificence Ministry kaniadtong Hunyo 7, 2019.
Sa pamahayag sa mga investors nga human nga nabulabog ang operasyon sa Munificence og nagpagawas og advisory ang SEC ilang gipulihan ang pangalan sa ilang grupo nga J. Emmanuel Azure.
Gibutyag sa ubang mga investors nga si Pastor Joseph ang wala na sa iyang balay sa Apopong ning syudad.
Samtang gikuha sa ubang mga investors ang mga gamit o kaha mga butang nga mapuslan sama sa bugas, bag o mga school supplies og uban pa.
