GENERAL SANTOS CITY – Subling nagpagawas og kamanduan ang kapulisan batok sa mga investment scam nga nakabiktima og daghang katawhan.
Ang memorandum ang may petsa nga Setyembre 27, 2019 nga nagkanayon gikan sa General Santos City Police (GSCPO), gipahimangnuan ang tanang miyembro sa kapulisan sa dakbayan nga dili pag-apil sa mga investment schemes, pinaagi ba sa pagkumbinsi, pag- imbita ug pagdasig sa uban nga muapil.
Sa maong kamanduan subli nga gipahunduman ang memorandum sa PNP 12 kaniadtong Enero 26, 2019.
Ang kinsang masakpan nga makasupak sa maong kamanduan manubag ug mapahamtangan sa nagakaigo nga silot.
Kahibaluan nga mismo ang mga pulis ang nalambigit sa eskandalo human nga gitudlo ang pipila kamga tag-as nga opisyal sa General Santos City Police (GSCPO) nga gitudlo nga nanguna sa operasyon sa Police Paluwagan Movement (PPM).
Gawas pa niini nga may laing miyembro pa sa kapulisan sa syudad ang nalambigit sa mga investment scam.
