-- ADVERTISEMENT --
GENERAL SANTOS CITY – Angayan nga ma-neutralize dayon kung aduna may ninja cops sa kapulisan sa syudad.
Kini ang nahimong pahayag ni Gensan Mayor Ronnel Rivera luyo nga malaumon ang syudad nga tinuod ang gihatag nga taho sa kapulisan sa iyang buhatan nga walay ga-recycle ug druga sa kapulisan sa syudad nga gitawag ug ninja cops.
Luyo niini gitugyan na lamang ni Mayor Rivera ngadto nilang Police Regional Office 12 Director Brigadier General Alfred Corpuz ug kang Col. Aden Lagradante ang pagsiguro nga walay susamang dulumtanan nga aktibidad nga ginatarget sa Pangulo.
Kahinumduman nga naapil sa kamanduan ni RD Corpuz nga wad-on sa iyang pangatungdanan ang ninja cops dihang mipuli kang General Eliseo Tam Rasco.
