GENERAL SANTOS CITY – Pagatutukan sa bag-ong milingkod nga regional Director sa Police Regional Office 12 ang Internal Cleansing, reklamo sa investment scheme ug pagpamomba sa rehiyon.
Kini ang gibutyag ni Police Brigadier General Alfred Curpoz nga nagmando gilayon sa iyang mga field Comanders nga pahugtan ang target hardening ug pagdepensa sa mga vital installations.
Lakip gipaniguro niini nga dili na masubli pa nga malambigit ang pipila ka mga sakop sa kahiwi-an sama sa pag-apil sa mga investment scheme nga naghitak dinhi sa dakbayan ug mga silingan nga probinsya.
Gipaniguro usab niini nga silot ang maangkon sa kinsa mang sakop nga muapil sa susamang ginbuhaton.
Si general Curpoz ang kanhi hepe sa PNP Training Service sa Crame apan lumad taga Mindanao ang gitahasan ni Pangulo Rodrigo Duterte aron dumalahan ang Police Regional Office 12.
