GENERAL SANTOS CITY – Anaa na sa kustudiya sa kapulisan ang usa ka wanted person subay sa warrant of arrest sa kasong (35 counts) of statutory rape.
Ang akusado si Alyas Bong nga usa ka construction worker.
Matud pa ni Police Major Ananias Vasquez sa Makar PNP, nga kapila matud ka higayong gihilabtan sa akusado ang 12 anyos dalagang pag-umangkon niini.
Ang warrant of arrest ang gipagawas kaniadtong May 2, 2019 gikan sa Regional Trial Court kon (RTC) Branch 61 sa Kidapawan City pinaagi ni Presiding Judge Henelinda J. Molina Diaz.
Gibutyag nga andam atubangon sa akusado ang kaso apan gikabutyag nga nagbag-o na kini, nga nangayo ug pasaylo ug dili na mag-usab.
Gikaingong ang maong menor de edad ang ang nagpuyo ngadto kanila tungod napasagdan sa ginikanan.
