GENERAL SANTOS CITY- Giandam na ang mga dokumento aron nga pormal nga mapasaka ang kaso batok sa usa ka traffic enforcer.
Giila ang nahisgutan nga Joel Rorado, usa ka city traffic enforcer, 33 anyos nga residente sa Barangay Fatima.
Nasayran nga nasikop ang suspek sa drug entrapment operation sa City Police Drug Enforcxement Unit ala una kwarenta sa hapon sa Ramos St. Lapu-lapu, Brgy. Dadiangas East Gensan.
Napalitan ang nahisgutan ug usa ka pakete sa shabu.
Kasong pagsupak sa Section 5 o illegal selling of dangerous drugs ilawom sa RA 9165 o Comprehensive Dangerous Drugs Act of 2002 ang atubangon sa nahisgutan.
Samtang gibutyag ni Ret. Col Jessie Ramos nga wala magkulang ug pahimangno ang labaw sa traffic enforcer sa syudad nga likayan ang maong iligal nga gimbuhaton.
Dugang pa nga dugay na niining girekomenda sa MAyor nga matangtang sa serbisyo si Torado human nga makadawat ug reklamo sa kusog nga pagpangotong sa kadalanan.
