GENERAL SANTOS CITY – Gimando ni Mayor Ronnel Rivera ngadto sa Philippine National Police ang pagsirado sa X plore Bar.
Kini human ang natigayon nga kagubot kaganihang kaadlawon kon asa adunay duha ka mga lalaki ang namatay human nga gidunggab ug gipusil.
Sumala pa ni Geraldine Zamora, labaw sa Business Permit and Licensing Division nga gikuha na nilang bag-ong police blotter may kalabutan sa kamatayon nilang Jay Napalit, 22 anyos, tricycle driver ug residente sa Purok 4B Rajah Muda, Bula ug John Vincent Lopez, 21 anyos nga taga Purok Guadalupe Barangay Conel human ang kaguliyang sa X plore Bar kon diin mao kini ang ilang usa sa basehan sa pagpasirado.
Gibutyag usab sa mayor nga usa sa salag sa krimen ug nahimo ng liability sa syudad ang maong barhinungdan nga gimando sa PNP ug BPLD nga i-revoke ang ilang business permit.
I-serve karong hapon ang maong kamanduan.
Nasayran nga una na usab nga gipasirado ang X plore Bar tungod sa susamang reklamo apan subli kining nakakuha ug bsuiness permit ug nag-reopen.
