GENERAL SANTOS CITY – Makuting imbestigasyon ang gihimo sa mga otoridad aron masayran kung kinsa ang sad-an sa natigayong disgrasya sa duha ka traysikad sa Maasim, Sarangani.
Nasayran nga usa patay samtang lima ang angol sa disgrasya.
Ang namatay nailhan nga si Marina Ambay 52 anyos nga taga Lumatil, Maasim samtang ang lima ka biktima ang padayong nagpaalim nga ang duha ang gidala sa ospital sa dakbayan.
Sa imbestigasyon natigayon ang insidente kagahapon alas 4:30 hapon sa national highway Daliao, Maasim og nabangga ang duha ka traysikad.
Nasayran nga ‘one way’ og rough road ang lugar tungod ginaayo pa hinungdan nahibulong ang kapulisan nganong natigayon ang disgrasya.
Gituohan nga may nakainom sa duha ka driver sa traysikad.
Gikustodiya na sa otoridad ang duha ka traysikad sa mga biktima.
