GENERAL SANTOS CITY – Nagpahigayon karon ug special audit ang Bangko Sentral ng Pilipinas sa tanang bangko sa dakbayan kung asa posebli gipasulod ang mga investment sa mga KAPA member, kauban sa BSP sa imbestigasyon ang Securities and Exchange Commission.
Matud ni Victor Bruce Tolentino, member sa BSP monetary board nga ang salapi nga nakolekta sa Kabus Padatuon ang misulod sa bangko.
Usa sa tumong niini aron dili maapektuhan ang mga bangko nga gisudlan sa KAPA investment. Lakip sa hisgutan sa special audit ang posebling tulubagon sa mga bangko.
Gipaklaro sa BSP nga kung mulampas sa unom ka porsyento ang gihatag nga interes matag tuig dili kini tinuod human gikumpirma nga naa lamang sa duha hangtud lima ka porsyento ang interest rate matag tuig.
Gani gikumpirma sa BSP nga ang mga investment scheme sama sa KAPA ang short term lamang ug dili makagarantiya sa cash flow aron makatabang sa paglambo sa ekonomiya sa nasud.
