GENERAL SANTOS CITY – Himas-rehas nga bakal sa San Isidro Police station ang gipangita sa balaud human masikop sulod sa Klinan Singko, Mabuhay ning syudad.
Kini human nga nasiplatan sa sakop ni Police Captain Davis Dulawan ang nagpangalan ug Ronald Abellanosa Moñasque, 36 residente sa nasampit nga lugar.
Sumala pa sa opisyal nga nag-atubang ug tulo ka ihap sa kasong lugos ang nahisgutang suspek. Ang pagdakop kay Moñasque pinaagi sa bitbit nga warrant of arrest gikan kang Hon. Judge Jose Blanza sa Branch 22.
Gikabutyag nga wala na makapalag ang maong suspek dihang giposasan og gibasahan sa kapulisan may kalabotan sa iyang mga kaso.
Apan depensa ni Moñasque nga wala siya masayod nga may gipasang-at nga kasong rape batok kaniya.
Gikatakda kining dalhon sa piskalya aron mapagawasan ug commitment order aron kini madala sa Lanton Reformatory Center.
