Pag-access sa Facebook og uban pang social media sites, bawal na sa GenSan City Hall

GENERAL SANTOS CITY – Sugod karong Marso, bawal na GenSan City Hall ang pag-access sa mga empleyado sa social media oras sa ting-trabaho.

Ang maong kamanduan gikan mismo sa Human Resource Management Development Office (HRMDO).

Sumala pa ni HRMDO Head Leah Tolimao, apektado ang output sa trabaho sa mga empleyado kung may access ang mga nasampit sa social media.

Hinungdan nga kun oras sa ting-trabaho, bawal ang mga empleyado nga mag-Facebook samtang dili usab maka-access sa social media ang mga computer units sa HRMDO.

Dugang pa ni Tolimao, mahimo lang matud pa nga maka-abli sa FB kung wala pay duty sama sa noon break og kun kaugalingong cellphone ang gigamit.

Ang maong kamanduan para sa mga regular og job order workers sa GenSan City Hall.