SARANGANI – Magsugod na sa pagtimbang-timbang ang mga botante sa Sarangani kung kinsa ang ilang botohon aron palingkuran sa pagka-gobernador, bise gobernador, mayor, vice mayor og municipal councilor karong natapos na ang pagduso og CoC sa mga pulitiko kagahapon.
Mag-atbang pagka-gobernador sa probisya silang incumbent governor Steve Solon og ang negosyanteng si Bong Aquia.
Samtang sa pagkabise gobernador magtigi si Ret. Gen Wille Dangane og incumbent Vice Gov. Elmer de Peralta. Sa Alabel, tulo ang nagpapili pagkamayor mao silang incumbent Vic Paul Salarda, Elenito Senit og independent candidate nga si Jun Kababat.
Mamahimong Running mate ni Mayor Salarda si Vice Mayor Ronel Español.
Sa Malungon, mag-atbang ang pulos abogado nga silang incumbent Mayor Tessa Constantiono og Julian Nineza.
Samtang mag ‘one on one’ pagpapili pagka-mayor si Danny Martinez og Engr. Flores.
Gikanayong mamahimong sadya ang 2019 election sa Maasim tungod sa daghang nag-atbang kung asa upat ang mikandidato pagkamayor samtang unom ang vice mayor aspirant.
Mag-atbang pagkamayor silang Maasim municipal councilor Zyrex Pacquiao, incumbent mayor Utto Salem Cutan, Baby Zamoro og Junjun Lopez.
Magparintihanay lang ang nag-atbang pagkamayor sa Glan nga mao ang manag-igsuonng Enrique Yap Sr og Viviene Yap og makaatbang ang ilang ig-agaw nga si Rostico Cyril Yap. Samtang si incumbent mayor Tata Yap ang nagpapili nga bise mayor sa Glan.
Samtang sa Malungon, upat ang midagan pagkamayor nga silang Abdul Rachman Pangolima, Jun Sumbo, municipal councilor Gwen Singkoy og independant candidate Andy Sipi.
Tulo ang nagpapili pagkabise mayor sa Malungon.
