GENERAL SANTOS CITY- Mapasigarbuhon ang arnis player nga si Aldrin Lastimado nga nahimong inspirasyon siya sa mga kabatan-unan nga mahiligon sa arnis.
Nasayran nga nagkampeon ang nahisgutan sa miaging battle of champions sa Pasay City.
Matud kang Lastimado nga siya ang labing unang GenSan player sa natad sa arnis nga nahimong miyembro sa RP Team.
Gibutyag niini nga gikatakdang murepresenta sa nasud ang nasampit sa matigayong SEA Games.
Si Lastimado tinudloan ni anhing Silvano Bombales, ang arnis trainer dinhi sa dakbayan.
Kon kahinumduman ang nasampit gipusil patay sa wala armadong kalalakihan.
Kahibaluan nga nahisgotan sa sesyon kagahapon sa Konseho ang paghatag og pasidungog og posthumous award kang Bombales.
Giila sa City Councilors ang libreng pagtudlo sa mga bata og arnis.
