GENERAL SANTOS CITY- Nahimong mabungahon ang joint emergency meeting ang technical working groups sa sa Department of Environment and Natural Resources(DENR) ug Protected Area Management Board(PAMB) sa paghisgot kalabot sa pagkasadsad sa barko sa Vietnam sa Queen Tuna park aging adlaw.
Matud pa kang Iskak Depatuan sa PAMB, sa findings sa underwater team nga nagsalom sa may bahin sa dagat kung asa nisadsad ang MV- HTK Energy cargo vessel, nasuta nga nadaut ang 200-250 sq.meters gikan sa katibuk-ang 459 sq. meters nga area sa artifiacial reef dome.
Daghang ‘coral recruits’ na ang nipilit sa artificial reef dome ug daghan mga lain-laing klase sa isda sa bato na ang namuyo. Gibutyag ni Depatuan nga mukabat sa P5,562,000 ang partial assessment sa damyos.
Gibutyag ni Depatuan, gihimo na ang mga legal basis para makapasaka ug kasong kriminal og administrative complaint.
Una ng gibutyag sa Coast Guard wala silay hurisdiksyon nga mababagan ang barko gawas lang kung adunay dili maayong mahitabo.
Hinuon, walay problema kon makahawa man sa Gensan tungod adunay maritime laws ug adunay maisugong presidente aron singlon ang obligasyon sa kompanya sa barko sa damyos.
Mukarga unta ug copras ang barko dinhi sa syudad.
Giila ang Kapitan sa barko nga si Nguyen Dang Swan taga Haipong Vietnam samtang ang local agent mao si Ngoto Dayupay taga Gensan.
