-- ADVERTISEMENT --
GENERAL SANTOS CITY – Gipasalig ni City PNP director Senior Supt. Raul Supiter, labaw sa General Santos City Police Office, nga padayon ang himuon nilang pagpanakop ug mga outlet nga nagpakaron-ingnon nga sa Small Town Lottery.
Sa pakighinabi sa Bombo Radyo, gibutyag sa nasampit nga opisyal nga ang naasoy’ng mga outlet ang sa Global Tech nga gitawag ug Peryahan ng Bayan, nga wala pay pagtugot sa Philippine Sweepstakes Charity Office kon PCSO, apan gisunod ang kulay sa mga booth sa STL nga yellow.
Una niini, ubay-ubay ka mga outlets ang gipangdakop ug gikustodiya sa kapulisan human nga nahimutang sa road right of way, nga supak sa balaod.
