GENERAL SANTOS CITY – Maningil na ug parking fee ang siyudad, sa pipila ka lugar dinhi sa siyudad.
Kini ang gibutyag ni Kag. Dominador Lagare Jr., kung asa pipila niini mao ang Magsaysay ug Pioneer Avenue.
Mukabat matud pa sa P30 ang singlon nga parking fee alang sa unang upat ka oras, ug madugangan ug P10 sa mga musunod pang oras.
Kahibaluan nga gi-lay on the table sa komitiba ni Kag. Lagare ang Comprehensive Land Transport and Traffic Code sa syudad, bisag anaa na sa third and final reading.
Sumala pa nga daghan pa ang mga amendments nga angayang himuon.
Ug gani, nakalatid sa transportation code nga maningil na ang siyudad ug parking fee sa pipila ka mga dapit sa dakbayan.
Kahibaluan nga dugay na nga gihulat nga mahuman ang maong transport code aron masulbad na ang isyu sa colorum nga tricycle.
Apan gibangian pa kung pwede silang makaagi sa national highway o dili.
