GENERAL SANTOS CITY – Epektibo na sugod ning adlawa, May 11 ang pagpatuman sa dugang sa sweldo sa mga mamumuo o empleyado sa Region 12.
Una nang gibutyag sa Bombo Radyo ni Department of Labor and Employment (DOLE-12) Regional Director Sisinio B. Cano, nga base sa giaprubahan nga wage order sa Regional Tripartite Wages and Productivity Board 12, P16 ngadto sa P18 ang i-usbaw sa adlawan nga sweldo sa mga empleyado sa mga pribadong sektor.
Hinungdan nga mamahimong P311 na ang daily rate sa mga empleyado nga anaa sa industrial o non-agricultural sector.
Samtang mamahimong P290 ang madawat amatag adlaw sa mga empleyado sa agricultural sector, retail ug service establishment, human gidugangan ug P18.
Gipasalig usab ni Cano nga may mga labor inspectors nga mag-inspeksyon sa mga kompanya aron sayron kon gatuman na sa bag-ong wage order, sugod ning adlawa.
