GENERAL SANTOS CITY – Magsugod na sa pagbiyahe na sa Abril 5 ang mga atleta sa Region 12 paingon sa Vigan, alang sa umaabot nga Palarong Pambansa 2018 sa Abril 15.
Kini ang gibutyag sa Bombo Radyo ni Deped 12 PESS Jojo Duhilag, mag-eroplano padulong sa Manila ang mga delegado sa Rehiyon 12.
Muagi matud pa sila sa Davao City, apan may advance party na sa mga delegado sa Rehiyon 12 aron magpreparar sa billeting area sa Vigan City.
Nasayran nga P8,000 ang gigahin sa mga pamasahe sa delegado kung asa pag-abot sa Manila, sugaton sila padulong sa Vigan nga giabaga sa provincial government sa Ilocos Sur ang gastos.
Kahibaluan nga malaumon ang kapin 600 ka mga delegado sa Region 12 nga malampasan ang nakuha nga gold medal sa miaging Palarong Pambansa sa Antique.
Matud ni Duhilag, ang arnis, swimming, teakwondo ang maoy dako ang posibilidad nga makahatag og gold medal alang sa Region 12.
