GENERAL SANTOS CITY – Gilayong nagpatawag og unang coordinating conference sa mga chief of police sa mga presinto sa kapulisan ang bag-ong lingkod nga Acting City PNP Director sa GSCPO nga si PSSupt. Raul Supiter.
Kini ang gikumpirma sa bombo radyo ni PCI Nestor Maderse Jr, hepe sa Pendatun Police Station. Gibutyag ni Maderse nga human nga natapos ang paglibot suroy ni PRO 12 Director Polce Chief Supt. Marcelo Morales sa mga terminal, airport, simbahan ug uban vital installations sa syudad kauban si Supiter ug mga chief of police, gilayon silang mibalik sa Camp Fermin G. Lira ug dayon nagpahigayon si Supiter ug unang coordinating conference sa ilaha nga mga chief of police.
Sa iyang pamahayag, nangayo og overview si Supiter sa mga dakong problema nga gitutukan sa kapulisan dinhi sa syudad .
Ug gani, lakip sa nahisgutan ang kalabot sa mga grupo sa mga batang sukarap og ang pagpang-eskwat ug yuta sa pipila ka indibidwal.
Gusto matud pa ni Supiter nga mabuhatan gilayon og aksyon ang mga naasoyng problema aron matabangan ang lokal nga panggamhanan sa pagresolba niini.
