GENERAL SANTOS CITY – Na-demoralize karon ang mga barangay kapitan dinhi sa dakbayan.
Kini ang gibutyag ni Mayor Ronnel Rivera sa pakighinabi sa Bombo Radyo, kalabot sa gihimong operasyon sa PDEA-12 kung asa nasikop ang kapitan sa Tambler nga si Abdul Wahid Bualan.
Matud ni Mayor Rivera, gatuo siya nga wala gayud nalambigit si Kapitan Bualan, o bisan kinsa mang kapitan sa siyudad, sa iligal nga droga.
Ug gani, aktibo ug kauban nila kini sa mga programa batok sa iligal nga droga.
Nasayran nga bag-uhay lamang miadto sa Brgy Tambler si Mayor Rivera kung asa ilang gipasidunggan ang pagka-aktibo sa barangay rehabilitation project.
Hinungdan nga gikatakda matud pa niyang hinabi-on ang mga barangay kapitan sa siyudad, aron awhagon sila magmalig-on nga ipadayon lamang ang ilang maayong performance, luyo sa pagka-demoralized.
Bisan paman, angayan hatagan matud pa ug ‘benefit of the doubt’ ang PDEA-12, apan kinahanglan usab nga imbestigahan ang mga rekklamo nga may nawala sa atul sa gipahigayong raid sa mga operatiba.
