GENERAL SANTOS CITY – Aminado si Vice Mayor Shirlyn Bañas-Nograles nga nakaapekto sa ilang trabaho ang dili maayong relasyon sa ubang mga miyembro sa Konseho, sa pagserbisyo ni OIC City PNP Director P/S/Supt Ruel Berango.
Sumala pa nga maas maayo unta ang mamahimong pagserbisyo kung may smooth relationship tali sa mga opisyal.
Apan dili gayud matud pa malimod nga may mga lihitimong isyu nga gibato kang Berango, dugangan pa sa wala pagtuman gilayon sa kapulisan sa kamanduan ni Mayor Ronnel Rivera nga pasirad-an ang tanang mga STL outlets gumikan iligal ug nakasupak sa balaod sa siyudad.
Sumala pa nga pabalaik-balik na lang ang isyu, hilabi na nga katap na usab ang pagpamusil ug kamatay sa siyudad, nga gikabutyag nga gumikan napasagdan sa kapulisan.
Kahibaluan nga may lima ka pangalan na nga nasumite ngadto sa Kampo Krame alang sa mamahimong city PNP director, ug lakip sa listahan ang pangalan ni Berango.
