GENERAL SANTOS CITY – Gipasalig ni Merlinda Donasco sa City Agriculture Office ngadto sa mga mag-uuma dinhi sa dakbayan nga wala na silay angayang kabalak-an kalabot sa problema sa apan kon dulon.
Kini gumikan kontrolado na matud pa ang naasoy’ng problema sa naasoy’ng peste, kung asa Agosto matud pa dihang namiya na ang mga migratory nga apan, human usab sa gihimo nilang hugot nga pagpang-spray miaging mga bulan sa mga area nga nahimong apektado.
Sa karon usa sa ilang gitutukan ug ginatutukan matud pa mao ang mga nabilin nga mga itlog nga posibleng mangapusa na usabn ug mabuhi.
Gipasalig usab ni Donasco nga gamay lamang ang nahimong damyos sa naasoy’ng peste sa agrikultura sa dakbayan, hilabi na nga sa mga kasagbutan kini kaniadto sagad nga miatake.
