GENERAL SANTOS CITY – Mukabat sa 450 lang ka mga prangkisa ang ihatag sa buhatan sa Motorized Traysikel Franchise Regulatory Board nga paga-ilugan sa mga aplikante.
Kini ang hinungdan nga nagpatuman ug first come first Serve basis ang naasoy nga buhatan alang niadtong buot makakuha ug prangkisa sa mga traysikel nga ang registration 2013 hangtud 2014.
Apan karon pa lamang may mga indibidwal na nga gatanyag ug tabang niadtong buot makaangkon ug prangkisa nga gituhu-ang mga fixer.
Kini human nangayu ug P200.00 alang matud pa sa Insurance samtang P1,500.00 matud pa sa reservation.
Una nang gibutyag sa labaw sa MTFRB nga si geraldine Zamorra nga dili muagi sa kung kang kinsa kadtong mga buot makaangkon ug prangkisa kung dili sa ilang buhatan lamang aron dili mabiktima sa gituhu-ang mga fixer.
Gani niadtong bulan sa Hulyo nagpagawas ug kamandu-an si Mayor Ronnel Rivera aron sayron ang nag expire nga prangkisa.
Nahibaw-an nga sugod niining bulana kung kinsa kadtong prangkisa nga dili marenew gilayon nga bawi-on ug ihatag sa publiko.
