GENERAL SANTOS CITY- Gipaburan ni Mayor Ronnel Rivera ang pagpunay ug kontra sa operisyon sa Small Town Lottery (STL) sa syudad nga sunction sa PCSO.
Matud sa mayor nga angayang sabton ang pagpadagan niini tungod usa kini ka charity nga adunay dakong ikatabang sa syudad hilabi na sa kampanya sa maayong panglawas.
Matud sa mayor nga mukabat sa unom ka milyon ka pesos ang gigahin sa PCSO matag bulan alang sa Dr. George Royeca Hospital nga kung sumahon adunay dos syentos mil pesos matag adlaw.
Dako na matud pa ang matabang niini sa mga kabus nga mga residente sa syudad nga dili makabayad sa ilang hospital bills.
Giangkon ni Mayor Rivera nga dili makaya sa syudad ang maong salapi.
Gikadugang pa niini nga niining bulana mukanaug dinhi sa dakbayan ang legal council sa PCSO aron muatubang sa Konseho aron lingkuran ang operasyon dinhi sa dakbayan.
Matud sa mayor nga dili na kinahanglan pang awayan ang operasyon sa STL nga kinahanglan lamang nga maplantsa ang ilang pag-operate sa syudad.
Kahinumduman nga miangal si Kagawad Jeng Gacal kalabutan sa pag-bypass matud pa sa STL sa konseho human milargo ug atubang sa mayor sa syudad.
