GENERAL SANTOS CITY -Galaum si Atty. Theodore Sales nga mabalik ang knockout punch ni eight division world champion Manny Pacquiao sa engkwentro karong adlawa sa Brisbane Australia ning adlawa.
Matud pa ni Atty. Sales, dugay na matud pa siya wala makakita nga patumbahon ni Senator Pacquiao ang kaatbang sa lona nga dili lang siya kon dili halos tanang boxing fans ang naghandum.
Gibutyag niini nga dili man siya usa ka boxing analyst apan nakita niining dili na muabot sa 10 round ang Australian boxer.
Kini tungod beterano na si Pacman sa pagpamoksing kumpara kay Horn nga mubo pa lamang ang kasinatian.
Gikadugang pa ni Atty. Sales, dako gayud ang lamang og favorites si Manny itandi kay Horn basi sa mga nabasahan nga analysis sa mga boxing experts og trainers.
Gihingusgan usab ni Atty. Sales nga dili makaapekto kay Pacman ang crowd luyo nga sa hometown ni Horn ipahigayon ang away.
Hinuon dili angayang magkumpiyansa ang pambansang kamao basin posibleng mahitabo pag-usab ang ‘lucky punch’ ni Manuel Marquez.
