GENERAL SANTOS CITY-Kusog nga pressure ang atubangon sa gitawag ug singing pastors aron kantahon ang Lupang Hinirang atuls a Pacquiao-Horn fight didto sa Brisbane, Australia.
Human magunitan ang ilang visa nga gihatag ni WBO Welterweight champion Manny Pacquiao aron bitbiton ang bandera sa nasud samtang naa ibabaw sa ring.
Gibutyag ni Jess Bascuña, conductor sa grupong Word Chorale nga paningkamutan ug ayuhon ang pagkanta kauban sa laing pito.
Gikadugang niini nga usa ka dakong hagit ang pagkanta human masipyat sa miaging away ni Pacquiao dihang nayabag ug nawala sa tuno apan gihuman gayud ang Lupang Hinirang.
Gipaniguro niini nga dili na masayop pa tungod gilauman nga maminaw kanila ang mga sakop sa National Historical Institute.
Pag-abot matud pa nila sa Australia karong Sabado wala silay himuon kundi bansayon ang magkanta hangtud kini maperpekto.
