GENERAL SANTOS CITY – Gihingusgan ni Cora Tito, ang Executive assistant sa Indigenous Cultural Communication Affairs dinhi sa dakbayan nga usa ka ‘psychological og physical challenge’ ang pagpuasa sa mga kaigsuonang Muslim atul sa Ramadan.
Matud sa opisyal, magdepende sa lunar calender ang ‘expected date’ sa pagsugod sa pag-obserba sa ramadan.
Kon makit-an ang bulan sa Mayo 26, magsugod na ang Ramadan sa kaadlawon sa maong petsa apan kon dili, pagkaugma, Mayo 27 magsugod ang ramadan nga giobserba sa tibuok kalibutan.
Gibutyag ni Tito, mulungtad ug 30 diyas ang pagpuasa kon asa magsakripisyo nga dili mukaon sa tibuok adlaw gawas lamang sa alas 3:00 sa kaadlawon.
Lakip sa pagpuasa ang dili pag-inom og tubig, pagsigarilyo og kung mahimo dili mutulon ug laway apan exempted ang mga adunay sakit og mga bata.
Ang ramadan ang panahon sa mga kaigsuonang Muslim sa pagpamalandong, pag-ampo og pagbasa og Koran.
Sa pahayag ni Tito nga ang usa ka maayong Muslim gatuman sa obligasyon niini nga magpuasa atol sa ramadan kon asa kini ang pinakamaayong paagi aron makab-ot ang goal sa spiritual renewal sa kaugalingon.
