Muhulip nga mipanaw nga labaw sa OBO-Gensan, wala pa matumbok

GENERAL SANTOS CITY – Hangtud karon wala pay napili si Mayor Ronnel Rivera kung kinsa ang ipuli sa pwesto sa namatay nga si Engr. Mark Reyes, ang labaw sa Office of the Building Official kon OBO.

Matud pa ni Mayor Rivera nga kasamtangan padayon pa nila nga gitun-an kung kinsa ang mahimong mudumala sa OBO gumikan sensitibo ang maong posisyon.

Angayang haum og adunay igong kasayuran ang muhupot sa maong pwesto gumikan mga gipatukod nga gambalay ang nag-unang responsibilidad sa nasampit nga buhatan.

Kahinumduman nga si Engr Reyes ang namatay gumikan sa sakit sa kasing kasing.

Sa pagkakaron ang maong buhatan ang adunay gituboy nga officer in charge aron temporaryo nga magpadayon sa ilang responsilibidad.