GENERAL SANTOS CITY – Nagpahimangno ang City Agriculture Office ngadto sa mga gapalit ug apan o dulon.
Kini gumikan padayon ang ilang pagspray sa mga lugar nga apektado sa dulon dinhi sa siyudad.
Hinungdan nga angayan matud pang mangutana una kon asa nakuha sa mga gapangdakop ang apan una mupalit, aron makasiguro nga ang paliton ug kaunon nga apan ang wala nasprayhan ug kemikal.
Kahibaluan nga mukabat na ngadto sa 18 ka ektarya sa maisan sa dakba yan ang dili na mapuslan human giatake sa dulon, human nga subling midaghan, luyo sa padayong pagpahigayon ug pagspray sa naasoy’ng buhatan.
Matud pa ni Merlinda Donasco, labaw sa City Agri, gilauman nga mas dako ang epekto ning higayona.
Hinuon, gibutyag usab niini nga sa pagkakaron nakontrola na ang pagdaghan sa apan sa airport apan dili pa nila masiguro kung hingpit makontrola.
Dako matud pa ang natabang ngadto kanila sa mga catchers.
Samtang, ang mga tag-iya sa naapektuhan nga maisan ang hatagan matud pa nila ug semilya sa mga gulay o kaha mais aron subling makatanum.
