GENERAL SANTOS CITY – Tulo ka anggulo sa motibo ang gitutukan sa Pendatun Police Station sa pagpusil patay sa traysikel driver sa Silway Kasilak Riverside, Brgy. Dad. West ning dakbayan sa miaging adlaw.
Kahinumduman nga ang biktima ang nailhan nga Virgilio Dakay Jr., 5o anyos, minyo, nga residente sa maong lugar. Matud ni PCInsp. Jovenson Bayona, hepe sa maong presinto, sentro sa ilang imbestigasyon sa kaso kalabot sa droga, kalambigitan sa biktima sa pagpangawat ug pagpusil patay kay Ricky Diolin sa Central Public Market.
Matud ni Bayona, nagpahigayon sila og background check sa biktima kon asa nasuta nga lumad nga taga North Cotabato ang nasampit.
Basi usab sa ilang nakuhang impormasyon gikan sa mga silingan sa biktima sa Silway Kasilak Riverside nga ang nasampit ang may mga kauban nga nalamabigit sa pagpangawat dinhi sa dakbayan.
Nakig-alayon usab ang Pendatun Police Station sa Bula Police station aron masayran kon aduna bay koneksyon si Dakay kay Diolin nga gipusil patay sa pelengke. Nasayran nga suod matud pa ang duha og ga-boundery si Dakay sa traysikel ni Diolin.
Kahinumduman nga gipusil si Dakay sa ilang balay sa kasilak og nakaangkon kini og mga samad pinusila sa ulo og dughan nga hinungdan sa iyang hinanaling kamatayon
