GENERAL SANTOS CITY – Ingon usab ang 11 ka dinakpan sa sa Brgy Dalingawin, Pikit, North Cotabato human sa gipatuman nga search warrant search operation batok sa mga high value target.
Kahibaluan nga ang mga nasikop ang giplanuhan nga ibalhin sa PDEA-12 Detention Facility, gumikan kasamtangan pang nabalhug Kabakan Municipal Police Station.
Kahibaluan nga mukabat sa P1.5 Million nga kantidad sa shabu ang nakumpiska sa PDEA-12 sa nahisgutang operasyon kung asa gipatuman ang walo ka search warrant batok kanilang Kumander Mangigil Pandian ug Abagel Giamadel.
Narekober sa mga panimalay ang nagkatag nga duha ka gagmay ug siyam ka dagkong sachet sa shabu nga mukabat sa 230 grams ug may estimated market value nga Php 1,725,000.00, gawas pa sa duha ka 45 caliber pistol ug nagkalain-laing mga bala, mga drug paraphernalia, ug cash nga P28,740.
Una nang gibutyag ni PDEA-12 Regional Director Gil Castro nga ubay-ubay pa ka mga operasyon ang gikatakda nilang ipahigayon batok sa mga anaa sa ilang drug watchlist.
Ug gani, giangkon sa nasampit nga opisyal nga aduna usay mga dagkong personalidad ug mga opisyal sa gobeyrno nga kasamtangan nilang ginamonitor gumikan sa kalambigitan sa iligal nga droga.
