GENERAL SANTOS CITY – Gipirmahan na ni Mayor Ronnel Rivera ug executive director Ma. Cecelia Oebanda-Pacis sa Visayan Forum Foundation Inc. ang Memorandum of Understanding (MOU) aron mahunong na ang recruitment sa forced labor , sexual exploitation ug human slavery.
Isip Ambassador si Mayor Rivera nagbutyag nga suportado niini ang tumong aron makahatag ug husto nga kahibalo sa katawhan aron masumpo ang problema pang global.
Ang IFIGHT Movement ang usa sa upat nga nag-unang estratihiya kauban ang mga tulunghaan, faith based organization ug mga LGU aron mapakusgan ang kahibalo sa mga kabataan sa naasoy nga isyu.
Nasuta nga ang Pilipinas adunay gibanabanaang 410,000 nga biktima sa modern slavery basi sa Global Salvery Index 2016 sa Inter Agency council Against Trafficking.
