GENERAL SANTOS CITY – Kinahanglan nga mulihok na ang dakbayan aron dili na mausob pa ang pagpanghasi sa grupo ni Rodrigo Olarte.
Kini ang panawagan ni Ariel Sarayno ang tigdumala sa Tenpoint Manufacturing Corporation ngadto kang Gensan Mayor Ronnel Rivera human gihasi kagahapon nilang Olarte pinaagi sa pagbutang ug koral atubang sa ilang planta.
Gitawag pa ni Sarayno ug extortionist silang Boy Olarte human nagpadala ug notice to vacate niadtong Nobyembre miaging tuig aron biyaan sa kompanya ang nahisgutang luna.
Gipaklaro ni Sarayno nga ilang gibasura ang nahisgutang sulat tungod ilang napalit ang lugar ug nabalhin na sa kompanya ang pagpanag-iya niini pinaagi sa gihuptan nga certificate of title.
Kahinumduman nga miaging gabii gikoralan sa mga sakop ni Olarte ang atubang nga bahin sa kompanya ug gipugngan ang mga sakyanan ug trabahante nga makasolod sa lugar.
