GENERAL SANTOS CITY – Mubalandra sa mga mayor gikan sa nagkadaiyang lugar sa tibuok nasud ang pang-export class og hilabihan kadagkong isda nga tuna sa GenSan.
Kini atul sa pag-tour ni GenSan mayor Ronnel Rivera sa mga nasampit sa GenSan Fishport Complex sa Brgy Tambler.
Gikatakda usab nga adtuan sa mga mayor ang mga canning factories sa syudad aron masaksihan ang paagi sa pagproseso og isda.
Nasayran nga nagpahigayon kagahapon og executive meeting ang delegado sa League of Cities of the Philippines sa usa ka high-end nga hotel sa dakbayan.
Matud ni GenSan Mayor Ronnel Rivera ang maong panagtigom ang quarterly meeting sa executive board kong asa gihisgutan ang mga pwedeng buhaton og angayang suportahan sa Liga.
Subay sa impormasyon nga gipadangat sa Bombo Radyo ni Atty. Doan Balboa, ang tigpamaba ni Mayor Rivera, nga nahidangat sa dakbayan ang Presidente sa Liga nga si Mayor Lani Cayetano.
Nasayran nga ang mga mayor og pipila ka representate nga gipadala sa mga mayor nga wala makaadto sa GenSan ang mamahimong dinapit bisita sa opening ceremony sa Kalilangan 2017 ning adlawa sa Oval Plaza.
