GENERAL SANTOS CITY – Gikumpirma ni Mayor Ronnel Rivera nga usa siya sa mga opisyal nga muadto sa dakbayan sa Davao alang sa pagbisita ni Japanese Prime Minister Shinzo Abe.
Sumala pa nga nanghinaot si Mayor Rivera nga makonsidera ang Gensan ug malakip sa development assistance sa ilawom sa Japan International Cooperation Agency kon JICA.
Ang usa sa mga gusto sa mayor ang kalabutan sa transportasyon ug integrated public terminal.
Kahibaluan nga karong adlawa, Enero 12, gilaumang muabot si Prime Minister Abe sa Davao, hangtod sa petsa 13, isip maoy labing unang head of state nga bisita sa nasud ilawom sa Duterte Administration.
Una nang gibutyag ni Presidential Communications and Operations Office (PCOO) Secretary Martin Andanar nga posibleng usa sa mga adtuan sa ni Abe ang Little Tokyo sa Calinan kung asa sa maong lugar gapuyo ang mga hapon sa Pilipinas, ug sa pinuy-anan ni Pangulong Duterte.
