GENERAL SANTOS CITY – Mukabat na sa 98 sa 141 ka barangay sa Sarangani Province ang naka-organize sa ilang community volunter defence force nga gitawag nga Integrated barangay defence and development force.
Gibutyag ni Sarangani Provincial Director Joseph Semillano nga dili lamang ang mga barangay ang interesado nga mutabang alang sa pagpatuman sa kahapsay ug kalinaw lakip ang kalambuan sa tibuok probinsya.
Gani dili pa siya ang labaw sa kapulisan sa probinsya nagsugod na kini niadtong 2008 human gisulod sa dautang mga elemento ang mga munisipyo sa Maasim, Kiamba ug Maitum.
Gipaklaro ni Semillano nga dili combatant ang mga Barangay defense force tungod mga sibilyan ug mga force multipliers lamang sa otoridad.
Gikumpirma sa opisyal nga makatabang ug dako ang mga sakop sa BDF sa paghatag ug impormasyon sa kalihukan sa mga barangay ug lungsod.
Makabatang usab kini sa pagtutok sa community defence ug pagtabang sa search and rescue panahon sa kalamidad.
