Mukabat sa 84 ka mga drayber sa public utility vehicles, apil ang mga motorcycle ug tricycle drivers, ang nagpositibo sa paggamit sa ilegal nga druga sa gipahigayong surprise drug test sa Philippine Drug Enforcement Agency niadtong Miyerkules, Abril 16, 2025.
Matod ni PDEA Director General Isagani Nerez, gihimo ang drug test sa wala pa ang pagdagsa sa mga pasahero nga mamauli sa probinsiya alang sa Semana Santa.
Sa kinatibuk-ang 3,270 ka mga drayber nga nipailawom sa drug test, 13 niini mga bus driver, 19 ang mga jeepney driver, 37 ang mga traysikol drayber, ug 11 ang mga UV express driver.
Lakip usab sa mga nagpositibo mao ang usa ka mini-bus driver, usa ka taxi driver, duha ka motorcycle taxi riders, ug duha ka bus conductor.
Gumikan niini gidid-an ang mga nagpositibo sa pagmaneho ug gi-imbargo na usab sa Land Transportation Office ang ilang lisensya samtang nagpaabot sa resulta sa confirmatory test gikan sa PDEA.
Diin kinahanglan nga moagi una sila og rehabilitasyon sa dili pa makuha ang ilang lisensya.
