Sa edad nga 82 anyos, gipamatud-an ni Annie Judis sa Estados Unidos nga ang edad dili babag sa pagbuak og mga rekord sa Guinness World Records.
Si Annie, nga nailhan kaniadto isip Jean Bell, nag-ingon nga dako og importansya alang kaniya ang pagpadayon sa paglihok ug pag-atiman sa panglawas, tungod kay nagtuo siya nga “health is wealth.”
Human sa iyang karera isip modelo ug aktres, gipili niya nga hatagan og prayoridad ang iyang kahimsog ug fitness, ug karon gibahinan niya sa iyang hapit 200,000 ka followers sa Instagram ang iyang mga workout ug record attempts.
Sa iyang record-breaking journey, nakahupot na si Annie og 14 ka Guinness World Records titles, lakip ang rekord isip pinakatinigulang nga babayeng competitive rope skipper.
Nakuha niya ang iyang unang Guinness World Record sa edad nga 75 anyos ug 92 ka adlaw, ug karong tuiga nakigkompetensya siya sa Prickly Pear Open 2026 sa Tucson, Arizona aron mabawi ang iyang titulo.
Matod ni Annie, wala siya mihunong sa pagdamgo ug gusto niyang padayon nga sulayan ang iyang mga limitasyon, samtang nag-awhag usab siya sa uban nga magpabiling aktibo bisan unsa pa ang ilang edad.
