Labing menos walo ka mga tawo ang namatay human nahagsa ang hot air balloon sa Praia Grande, Santa Catarina, Brazil niadtong Sabado sa buntag sumala ni GoVernador Jorginho Mello.
Gibanabana sa mga Owtoridad nga adunay total nga 21 ka mga tawo sakay sa hot air balloon, ug 13 kanila ang naluwas, lakip ang piloto.
Matod sa kapulisan nga nagsugod ang kalayo sulod sa basket balloon hinungdan nga gipaubos dayon kini sa piloto.
Dihang nagkaduol na kini sa yuta, gimandoan sa piloto ang mga pasahero sa paglukso, apan dili tanan sila nakaambak sa wala pa mikaylap ang kalayo.
Tungod sa kabug-at, ang balloon mibangon pag-usab ug kusog nga mibuak paubos, nga mipatay sa uban.
Lakip sa namatay mao ang duha ka managhigugmaay, usa ka inahan ug anak nga lalaki, usa ka doktor, ug usa ka figure skater.
Samtang ang mga nakaluwas gidala dayon sa duol nga tambalanan.
Bisan pa sa aksidente, gisuspinde sa tagdumala sa kompanya ang operasyon niini ug miinsistir nga gisunod nila ang tanan nga mga regulasyon ug wala’y kasaysayan sa bisan unsang aksidente.
Samtang, ang Presidente sa Brazil nga si Luiz Inácio Lula da Silva nagpahayag sa iyang pahasubo ug nagpasalig sa gobyerno sa tabang alang sa mga biktima.
Nasayran nga ang Praia Grande usa ka sikat nga hot air balloon nga destinasyon sa mga turista sa maong dapit.
