GENERAL SANTOS CITY – Mukabat sa 744 ka bag-ong kaso sa COVID 19 ang nadugang kagahapong adlawa sa Rehiyon 12 base sa labing ulahing report sa DOH – Center for Health Development Soccsksargen Region.
Samtang natala ang 764 ka mga indibidwal ang bag-ong nakarekober og upat ang patay kung asa duha sa Gensan samtang duha usab sa Magpet, North Cotabato .
Sa 744 ka bag-ong kaso 144 ang gikan sa GenSan, samtang 338 sa North Cotabato, 599 sa South Cotabato, 170 sa Sarangani Province ug 27 sa Sultan Kudarat .
Ang South Cotabato padayon nga nanguna nga may labing daghan nga kaso nga 20,794 ka kaso, 910 ang active cases, 755 ang patay.
Ang GenSan ang may 7,089 ang kaso, 1,076 ang active cases og 697 ang patay samtang 266 ang bag-ong nakarekober.
Ang North Cotabato ang may 12,787 ka kaso, 1,070 ang active cases og 614 ang patay.
Ang Sultan Kudarat ang may 8,040 ka kaso, 390 ang active cases og 237 ang patay.
Ang Sarangani ang may 7,592 ka kaso, 517 ang active cases og 175 ang patay.
Sa tibuok rehiyon may 66,302 ang COVID-19 confirmed cases kung asa 3,963 ang active cases, 59,938 ang recoveries og 2,378 ang COVID-19 related deaths.
